يا هل ترى الليل الحزين أبو النجوم الدبلانين
أبو الغناوي المجروحين
يقدر ينسّيها الصباح أبو شمس بترش الحنين؟!
أبداً.. أبداً..
بلدنا ليل نهار بتحب موّال النهار
لما يعدّي في الدروب و يغنّي قدّام كل دار
و الليل يلف ورا السواقي زي ما يلف الزمان
و على النغم ♫♯♪
تحلم بلدنا بالسنابل والكيزان
تحلم ببكره و اللي حيجيبه معاه
تنده عليه في الضلمة و بتسمع نداه
تصحى له من قبل الأّذان،
تروح تقابله في الغيطان
في المتاجر و المصانع.. والمعامل
و المدارس.. والساحات
طالعة له صحبة جنود
طالعة له رجال.. أطفال.. بنات
كل الدروب واخدة بلدنا للنهار
و احنا بلدنا ليل نهار بتحب موال النهار
لما يعدي في الدروب و يغني قدّام كل دار
ليست هناك تعليقات:
إرسال تعليق
اترك تعليقكك، شكراً