باركنا لتونس و بقى عندنا أمل
انشغلنا بفكرتنا، بأملنا و أتوحدنا
شكراً محمد البرادعي، شكراً حركة كفاية، شكراً 6 ابريل، شكراً الأخوان المسلمين، شكراً كل مصر، شكراً لكل اللي اتمسك بالأمل و صدق الفكرة.
و قامت الثورة و نجحت و ما كانش فيه داعي للكلام و لا الرغي.. البلد كلها بتتكلم .. بمعني أدق بتتخانق و أنا منهم.
و المجلس العسكري لسه بيقول "بيحمي الثورة" مش عارف من ايه ؟ لأن كل اللي بيدمر الثورة بيكبر كل يوم عن يوم .
و "الراجل الكبير" قال محدش طلب مننا نضرب نار و بكدة يبقي ما كانش فيه خطر أساساً.
المهم بعد ال8 شهور دول الموضوع بقى رخم جدا و الواحد مابقاش ينفع يسكت لما يلاقي ان الحاجه الحلوة و الكبيرة اللي حلمنا بيها و عملناها بتروح و بترجع ريما لعادتها القديمة و كأنك يابو زيد ما غزيت! نقطة و من أول السطر.
مدونه رائعه
ردحذفشكرا لمجهوداتكم