مابقيتش باعرف اصحي بدري علي ميعاد الشغل..مش عارف ليه النص ساعه الأخيره دي بفضل في السرير بحاول اكسب شوية نوم زياده يمكن علشان بنام متاخر ؟ حاولت انام بدري لقيتني برضه باصحي بنفس الطريقه !!
الواحد باله مشغول و ذهنه مش صافى، مابقيتش مرح..كنت زمان مش كده خالص، بتاع نكته الكلام كله هزار و الضحك من القلب .. دلوقتى مابقاش من القلب عشان كده بقيت كئيب..اكيد ناس كتير بتشوف الواحد كده.
كل ما الواحد بيكبر بيخسر كتير من اعجابه بنفسه عشان بيخسر حاجه جواه مش عارف ايه هي بس زي ماتقول كده مابيبقاش "طازه"..البلد حالتها صعبه. الحراميه عددهم بيزيد اغنياء و فقراء بس اللى بيسرقوا الطبق كله عددهم بيزيد أكتر من اللي بيسرقوا الفتافيت.
يمكن ده السبب ؟؟ مش عارف أصل كمان الجليطه كترت..الكلام خلص دلوقتى يمكن اكمل بعدين !!
ليست هناك تعليقات:
إرسال تعليق
اترك تعليقكك، شكراً